Kampeer

GPS

S 32° 26.383’

E 18° 56.551’

Webblad ontwerp en onderhou deur Creative Solutions

Tuis

4x4 Roete

Kampeer

Foto’s

Ligging

Skakels

Kontak Ons

Die nuutgevestigde kampeerterrein bied grasperkbedekte terrasse, 'n oorvloed skadubome en besonder netjiese en skoon badkamergeriewe. 'n Swembad verskaf lafenis teen die hitte. Alle kampeerplekke is voorsien van elektriese kragpunte.

Skottelgoedwas-geriewe word voorsien, sowel as 'n gemeenskaplike onderdakbraai. Hierdie area kan ook gebruik word as 'n klein konferensie- / vergaderarea vir korporatiewe besoekers gedurende 'n bosberaad of spanbounaweek. Etes kan ook voorsien word indien vooraf bespreek.

Om te verseker dat alle besoekers 'n aangename kamp-ervaring sal hê, is daar egter reëls om geraas laat in die aand te beperk. Om dieselfde rede word troeteldiere ongelukkig nie op die terrein toegelaat nie.

Die huidige tarief is R160 per staanplek per dag (2 persone + 1 voertuig ingesluit), met ‘n bybetaling van R60 per persoon per dag vir elke ekstra persoon tot ‘n maksimum 6 persone per staanplek. R30 per persoon per dag vir nie-skoolgaande kinders. Maksimum 1 voetuig per staanplek. Arriveer vanaf 14h00 en vertrek voor 11h00. Arriveer- en vertrek tye is aanpasbaar indien die kamp nie vol is nie.